Dáidagat čájálmasas

ANJA SAIVA BJØRNSTAD JA ANITTA SUIKKARI:

BOAZU JA FÁPMU
Anja Saiva Bongo Bjørnstad lea Boazu ja Anitta Suikkari lea Fápmu Máret Ánne Sara Pile o`Sápmi dáidaga ovddabealde Eidsvoll báikkis Stuorradikki olggobealde dáiddalaš akšuvnnas Pile o`Sápmi Supreme juovlamánu 5.b. 2017. Govven: Tomi Guttorm.

Boazu ja fápmu lea politihkkalaš ja satiralaš geriljateáhter mii bilkida Norgga boazodoalopolitihka ođđasit čállon dulkojumi Boazodoalolága Kapihttal 1, Paragráfa 1. Lága ulbmil dego Boazodoaloláhka heivehuvvon Spiinni Lága vuođul. Čájálmasa ulbmil lea čájehit oktavuođa gaskal Norgga stáda bággonjuovvamiid Finnmárkkus ja Stáda mielamielde eksploašuvnnalaš biraspolitihka.

--

HILDE SKANCKE PEDERSEN:

RED
Dáinna dáidagiin háliida Skancke Pedersen čájehit birgenfámuid buot garra guovlluid heakkain. Son bargá luonddu ja dainna maiddái olbmuid gievril- ja hearkilvuođaiguin.

DRØM
Niehku dáidagiin speadjalasttá Skancke Pedersen oppalaš, čáppa ja hearkkes luonddu, man beaivváš heaggada. Jus olbmot galget háliidit suddjet luonddu, de fertejit oaidnit, vásihit ja geahččalit dan ipmirdit.

EANA – LAND
Govva váldon Eana – Land dáiddavideos. Filmmain háliida Skancke Pedersen ovddidit oainnu ahte olmmoš lea oassi luonddus, iige dušše dan geavaheaddji dahje geahčči. Go leat oassin luonddus de lea mis geatnegasvuohta dan suddjet, iige geavahit nu go mii dál dahkat.

--

MÁRET ÁNNE SARA

TRYKKOKER
Dá lea oassin áibbas ođđa govvaráiddus mii dássažii ii leat čájehuvvon. Jurdda govaiguin lea ođđasit áigeguovdelastit Sara golmmadimenšunála dáidaga ođđa guovttidimenšunála hámis. Su barggut leat dávjá duođalaččat, ja danne lea dát govvaráidu dihtomielalaččat somá ja stoahkalas. Originála dáidda lea bázzi dáhkkon muoras ja bohccogaccáiguin.

GALSKAP
Čuorvvas lea oassin Oaivemozit/Galskap/Madness 2013 čájáhusas mas fáddá lei nordområdesatsingen ja min rašes luonddu ja birgenvuođuid industriála billisteapmi. Gii bat lea gii lea jalla, jearrá Sara. Mun? Sii geat čurvot duođalaš ja bistevaš váikkuhusaid birra? Dahje sii geat biehttalit guldalit duođalašvuođa?

STATE ON STEROIDS 2023
State on Steroids 2023 lea vinju geahčestat dan ođđa intustriála jallodáhkii nappo ruoná nuppástuhttin, man váldodáhkku dássážii lea stáda lobihis bieggomillopárka mii goarida Fovsen Njaarke boazosámiid olmmošvuoigatvuođaid beaivválaččat.

--

SUSANNE HÆTTA

UNTITLED 1
Dát govva gullá Blood Conversations prošektii, mas varra govvida fáttaid dego sogalašvuođaid, osku ja seksualitehta, muhto maiddái šattolašvuođa. Dáidda lea govvejuvvon njuovadettiin ja áibmobulljarasat speadjalasttet dáiddara.

DEN STORE ENSOMHETEN
Stuora aktonasvuohta lea veaiddalas dáidda. Luonddu boasttooinnolaš aktonasvuohta lea illušuvdna. Muorain leat miillaid mielde ruohttasat eatnama vuolde, mat dálvet ođđet, eležat ja gierdevaččat, mat áimmahuššet daid unnimusaid maid.

--

ANN-SOFIE KALLOK

REGENERERING
Suoivvanasaiguin ja julevsámi dujiiguin loktana gullevašvuohta ja mo dat earret eará duoji bokte álo rievdá ja seammás čatná min oktii buolvvas bulvii.

Ann-Sofie Kallok lea duojár ja hábmejeaddji ja buvttada earret eará ođđaáigasaš Sámi čiŋaid. Govas oaidnit čiŋaid Ánná-Katri Helanderis, Dáiddadálu dánsár ja koreográfa. Gova huŧkan: Ann-Sofie Kallok ja Johan Fredriksson. Govven: Johan Fredriksson.

--

ELLE SOFE SARA

BIEGGA SAVKALA DUODDARA DUOHKEN LEA SOAMIS
Dánsunfilmmas Biegga savkala duoddara duohken lea soamis man Elle Sofe Sara lea ráhkadan. Govven: Paul Tunge.

II DAN DIEĐE MAS DAT BOAHTA
Elle Sofe Sara dánsáriiguin geat serve Diehtosiidda rahpamis Guovdageainnus 2009is. Sii čájehedje oanehis Ii dan dieđe mas dat boahta nammasaš dánsunbihttá. Govva lea váldon dan oktavuođas.

Čájáhusa kuráhtorat

• Dáiddárguoibmi Ann-Sofie Kallok
  
• Dáiddárguoibmi Susanne Hætta
  
• Dáiddárguoibmi ja dáiddafágalaš jođiheaddji Máret Ánne Sara
  

Haddi

Haddi rievddada čájáhusa láigohan áigodaga mielde ja jus háliidat láigohit čájáhusa oktan dáiddaságastallamiin ja rahpandilálašvuođain.