Leat golbma bihtá mat gilvalit dán áidna Norgga drámátihkabálkkašumi alde. Dat guokte eará evttohasa leaba Jon Fosse bihtáin "Einkvan" ja Goksøyr & Martens bihtáin "MomA".

Ibsenbálkkašupmi lea ásahuvvon 1986:s, ja vuoiti oažžu 150.000 ruvnno ja bácci man Nina Sundbye lea ráhkadan. Juho Sire lea nuppes evttohuvvon dán stuora bálkkašupmái. Vuosttaš háve lei nammaduvvon bihtáin "Sálva/Håndtak" 2023.

Jury ákkastallamis muitaluvvo ná:

"Per Hanseniin lea Siri Broch Johansen/Juho-Sire čállán árgabeaivválaš drámá, mii lea rávis olbmuid ráhkisvuođa ja seksualitehta birra, mii ii šatta goassege banálan, ja mii lea eksistensiála almmá čuorvuma haga. Dat guoskkaha min siskkimus osiid: áibbašeapmi nuppi olbmui ja go ballá báhcimis okto".

Ibsen-bálkkašupmi geigejuvvo jahkásaččat dramáhtalaš tekstii mas lea leamaš vuosttaščájálmas dahje čájehuvvo vuosttaš geardde Norggas ámmát teáhtera lávddis ovddit kaleandarjagis.

Vuoiti almmuhuvvo doaluin njukčamánu 20. beaivvi dii. 19.00 Ibsenviesus Skienis.

Loga eanet dás - dárogillii.