Sámi perspektiivvat deaivvadit Edvard Munchain
Makkár lea Edvard Munch dáidda sámi geahčastagas? Prošeavttas «Munch Čuorvvas» sámi dáiddárat isket dán visuála dáidaga, musihka ja ovdanbuktima bokte. Fáttát leat identitehta, muitu ja dáruiduhttinpolitihka.
Sámi perspektiiva vuođđun
Go Dáiddadállu oaččui dieđu 2026 Munch-bálkkašumi birra, de biddjui Munch Čuorvvas prošeakta johtui. Prošeakta galggai guorahallat movt sáhttá Edvard Munch dáiddalaš árbbi dulkot sámi perspektiivvas.
Giđđat bovdii Dáiddadállu iežas gullevaš dáiddáriid sáddet iežaset dáiddalaš vástádusaid mat leat inspirerejuvvon Muncha bargguin. Prošektii válljejuvvojedje vihtta bihtá, maiguin Anja Saiva Bongo Bjørnstad, Anitta Katriina Suikkari, Siri Broch Johansen, Bernt Mikkel Haglund, Susanne Hætta ja Máret Ánne Sara leat bargan.
Sii guorahallet fáttáid nugo kollektiivvalaš muittu, historjjálaš vásáhusaid, árbevirolaš trauma, ja dáruiduhttinpolitihka bissovaš váikkuhusaid. Barggut bidjet Munch dáidaga gulahallat dálá sámi duohtavuođain ja vásáhusain.
Munch Čuorvvas workshop
Govva: DD
Bálkkašumi doaluin oaidná dáidagiid
Munch Čuorvvas doaibmá sihke dáiddalaš vástádussan Muncha árbái ja ávvudeapmin dan ovdáneapmái mii lea dálá sámi dáidaga siskkobealde. Prošeakta čájeha mo árbevierru, innovašuvdna, ja sámi perspektiivvat sáhttet fállat ođđa dulkomiid dáiddahistorjái.
Dáiddalaš barggut ovdanbuktojuvvojit Munch-bálkkašumi doaluin, Munch-museas golggotmánu 23. beaivvi.
