Dáiddačájáhus Tromssa bivttasrámbuvrras

Kamillas lea dáiddačájáhus sámi bivttasrámbuvrras, Laš. Doppe oažžu vejolašvuođa boahtit eambbo oidnosii, ja dasa gal liiko.
– Laš jođiheaddi, Kajsa, jearai mus háliidan go vuovdit mu govaid su rámbuvrras. Lei hui somá go jearai mus, muitala son.

Ođđaáigasaš dáidda

– Mun sárggun popart ja streetart, šaŋŋerat mat eai leat baljo oidnosis sámis. Mun liikon seaguhit sámi elemeanttaid dálá áiggiin, ja dáinna lágin čájehit ahte mii eallit moderne áiggis. Lea hui movttidahtti ja somá beassat leat eará dáiddáriiguin fárrolaga Dáiddadálus, ja ahte mii sámi dáiddárat doalahit ovttas ja bargat dan ala ahte sámi dáidda boahtá oidnosii máilmmis, muitala son.

Dáiddadállu @ Instagram ja Facebook

Min gávnnat Instagramas: daiddadallu, ja Facebookas “Dáiddadállu – Artist Collective Kautokeino”. Min ođđa dáiddárguoimmi gávnnat gest čuvvovaš siidduiguin:

Instagram: @kmtriumf
Facebook: @Kmtriumf

Su profilsiiddus gávnnat eambbo dieđuid su birra, deaddel dán.

Čuovo fal!