Dáiddadálu filbmadáiddár ja produseanta Ken Are Bongo lea ovtasbargame beakkán sámi dáiddáriin ja arkiteavtain, Joar Nangoin. Ovtas soai ráhkadeaba Post-Kapitalisttalaš arkitektuvra-TV Bergena Dáiddariemuide ja Bergen Kunsthallai. 

Mii lea Postkapitalistisk arkitektur-TV?

Postkapitalistisk arkitektur-TV lea erenoamáš buvttaduvvon, golmma oasat TV-ráidu arkitektuvrra birrá maŋŋel kapitalisttalaš njiedjama. Ráiddus oahpásnuvat guovddáš fáttáide máiguin Joar Nango bargá dáiddariemuin Bergen Kunsthallas, čakčamanus 2020. Ráiddus oahpásnuvat čájáhusa fáttáiguin, Nango bargobirrásiin, su ovtasbargoguimmiiguin ja oahppásiiguin Sámis ja maiddái su bargovugiiguin ja teorehtalaš perspektiivvaiguin.

Geahppa hámis oahpásnuvát musihkain, gussiiguin ja iešguđetge fáttáiguin.

Dás oainnát eambbo čájáhusa birrá.