Davvi-Norgga riemut
Mis leat máŋga dáiddára dán jagaš Davvi-Norgga riemuide, ja leat čohkken dása sin čajalmasaid. Davvi-Norgga Riemut álggahuvai Hársttákis jagi 1965. Juohke geasi lágiduvvo riikagaskašas dáiddafestivála gos lea musihkka, teater, dánsun ja lávdedáidda. Festiválii lea deŧalaš ovddidit kreatiiva proseassaid, dáiddalaš lonohallama ja doalahit nanu searvevuođa.
Vástádus eana - The answer is land
Dáiddadálu vuođđudeaddji ja dáiddárguoimmi Elle Sofe Sara čájálmas lea dán jagáš festivála rahpančájálmas mas geahččit váldojit fárrui dánsuma ja juoigama bokte. Vástadus eana – The answer is land čájálmasas suokkarduvvo dánsumiin ja juoigamiin dat fápmu mii šaddá go olbmot leat fárrolaga, olgun ja diđolaččat dasa ahte leat oassin stuorit ollisvuođas.
– Mu sávaldat čájálmasain lea ahte geahččit vásihit gorudin dan ahte leat oassin stuorit joavkkus, lihkadit ovttas juoigama ja dánsuma bokte ja dovdat ahte olmmoš lea oassin das mii lea stuorát go ieš, muitala Sara guhte lea čájálmasa dáiddalaš jođiheaddji ja koreografa.
Čieža nissonolbmo leat lávdde alde, sii leat dovddus dánsárat, juoigit ja lávlut. Čájálmasa musihkalaš šuokŋa lea máŋggajienat luohti maid komponista Frode Fjellheim lea komponeren.
Goas: 19.06 dii. 15:00 ja 19:00.
20.06. dii: 13:00 ja 18:00
Gos: Storsalen, Harstad Kulturhus
Čázevulošnieida
Jurddašalat go movt livčče čáze vuolde orrut? Dán fearánis oahpásmuvat Čázevulošnieiddain guhte lea Čáhcehálddi nieida. Čáhceháldi lea earenoamaš hámát mearrageahčči guhte lea meara bálddas, vuolde ja alde.
Dáiddárguoibmi Ingá Márjá Sarre lea čajalmasa juoigi ja neavttár.
Goas: 19.6.21 dii. 11:00 ja 20.6.21 dii.11:00
Gos: Hárstták guovddážis
Mari Boine
Viimmat máhccá Mari Boine fas Davvi-Norgga riemuide! Mari Boine lea okta dain Norgga buoremus lávluin, min áiggi stuorámus sámi ikona, gii musihka ráhkada mii johttá gaskal sámi ja eará álbmotmusihka, rock ja jazz.
Goas: 23.6.21 dii: 18:00
Gos: Storsalen, Harstad Kulturhus
Muohtadivggážat
Teáhterčájálmas mas leat vuođđun duohta muitalusat Norgga, Suoma ja Ruošša rádjeguovlluin. Geahččit besset Anna ja su bearraša bokte gullat iešguđet muitalusaid, omd. ruovttueatnamiid ja báhtareami birra, gávnnademiid ja earránemiid birra, dáhpáhusaid muhtin erenoamáš bára birra Boris Gleb:as, máilmmi čiekŋaleamos olbmobohkkon ráiggi birra, ja nanu sihkkel mii ceavzá buot. Muitalusat leat bárgiduvvon oktii luđiid ja lávlagiid bokte.
Dáiddárguoibmi Ráwdna Carita Eira lea čajalmasa dramaturg ja čálli. Beaivvás Sámi Nášunálateater buvttada čajalmasa ovttas Ferske Scener.
Goas: 23.06.21 15:00 ja 20:00
Gos: Thon Hotel Harstad
