Juho-Sire bihtát lávdái: opera kulturoaivegávpogis ja teáhterbihttá turneas
Ođđajagimánus ja guovvamánus leat dáiddárguoimmi Siri Broch Johansena čállin bihtát lávddis. (Ánne Máddji Heatta ja Emil Kárlsen. Govva: Jouni Porsanger)
Vuosttaš sámi opera mii čájehuvvo Suomas
Vuosttaščájálmas Ovllá operas lea dán jagi Eurohpa kulturoaivegávpogis Oulus, ođđajagimánu 16. beaivvi.
Juho-Sire muitala dán bihtás movt lea go mánná bággejuvvo internáhttaskuvlii, gos deaivá amas giela ja kultuvrra.
Emil Kárlsen neavttaša váldorollas, ja mii čuovvut su mátkki iežas vajálduvvon ruohttasiidda. Ovllá gávdná ráhkisvuođa, ja dat boat hálu ja dárbbu eanet guorahallat gii son duođai lea.
Buvttadeapmi lea ovttasbargu gaskal Oulun teatteri, Beaivváš našunálateáhter ja Oulu 2026.
Šuoŋaid lea Cecilia Damström dahkan, bagadalli lea ges Heta Haanperä, Oulu Sinfoniija láidesta ges Rumon Gamba.
Neavttárat lávddis: Emil Kárlsen, Ánne Máddji Heatta, Sara Margrethe Oskal, Ánndaris/Anders Rimpi, Niko Valkeapää, Sanna Iljin, Martin Iivarinen, Aki Saarela, Ville Hummastenniemi, Henri Uusitalo, Eevi Jomppanen, Sandra Kaisto, Jooa Labba, Mariella Labba, Joose Rasmus ja Elle-Sofia Valkeapää.
Loga fal eanet bihtá birra Beaivváža siidduin (sámegillii).
Sálva ( Håndtak), Kristin Solberg ja Stein Bjørn.
Govva: Knut Åserud
Identitehta ja dáruiduhttima váikkuhusat teáhterbihtás
Sálva (Håndtak) čájehuvvui vuosttaš geardde 2023:s, ja dál vuolgá Hålogalándda teáhter mátkái dáinna bihtáin.
Juho-Sire guorahallá bihtás bokte movt lea go Line ja Anders deaivvadeaba ja ráhkásmuvvaba. Nubbi lea mearrasápmelaš, nubbi ges gávpotsápmelaš. Gierdaba go leat goabbatlágánat, vai čuohcá go dát iešdovdui?
Lávddis leaba Kristin Solberg ja Stein Bjørn.
Buvttadeapmi lea ovttasbargobuvttadeapmi gaskal Bjørn Film & Story, Hålogaland teater ja Åarjelhsaemien Teatere.
Ánddaris Rimpi lea dahkan nuohtaid ja jietnagovaid, bagadalli ges lea Mette Brantzeg.
Geahča goas teáhter galleda du guovllu Hålogaland teater neahttasiiddus (dárogillii).
Čálli Juho-Sire / Siri Broch Johansen
Govven: DD
