Dán vahku UArctic-kongreassas 2026:s Tórshavnas, Fearasulluin, searvvai min direktevra Dine Arnannguaq Fenger Lynge panelii ovttas guhkesáiggi ovttasbargoguimmiiguin Indigenous Futures North ja ovttasbargoguimmiiguin miehtá árktalaš guovlluin: Dr. Heather Igloliorte (University of Victoria), Alysa Procida (Arctic Arts Summit), Nivi Christensen (Director of Nuuk art Museum), ja Laura Hodgins (Yellowknife Artist Run Community Centre).

Panelas suokkardalle mo árktalaš eamiálbmogat sáhttet nannet iešstivrejumi dáidaga bokte. Ságastallamis válde ovdan davvi guovlluid oktasaš hástalusaid, earret eará struktuvrralaš rasismma mii vuolgá árktalaš koloniseremis, bistevaš váilevaš ruhtadeami, geográfalaš gaskkaid ja ráddjejuvvon vejolašvuohta beassat kulturásáhusaide. Ságastallui maiddái mo bahkkemat industriaid bohkat ja duođalaš dálkkádatroasu čájehit man dehálaš lea ahte eamiálbmogat besset stivret iežaset kultuvrralaš boahtteáiggi.

Ságastallamis bođii ovdan ahte lea dárbu váldit ruovttoluotta ja oamastit fámolaš muitalusaid, resurssaid ja kulturárbbi, ja das man dehálaš lea hukset kapasitehta, ovttasbargu ja jođiheami gaskal šaddi eamiálbmot akademihkkáriid, dáiddáriid ja dáiddafágalaš bargiid.

Bistevaš čoahkkanemiid, lonohallamiid ja ovttasbarggu bokte miehtá jagi, mii joatkit hukset eamiálbmotjođihuvvon fierpmádagaid Sámis, Kalaallit Nunaatas ja Canadas mat leat vuođđuduvvon dáidagii, duodjái, dutkamii, kuráhtorpraksisii ja máhttojuohkimii.

Dáiddadálus lea dát bargu čadnojuvvon birgejupmái, ahte birgenláhki lea čadnon eatnamii, merrii, searvevuhtii, gillii ja boahttevaš buolvvaide.

Giitu / Qujanaq – buohkaide dán šaddi fierpmádagas ja ovttasbarggus.