Dáiddadállu Nuukas
19.02.25
Vássán vahku leaba dáiddárguovttos Ivínguak` Stork Høegh ja Kine Yvonne Kjær deaivvadan, oahpásmuvvan ja ovttasbargan Kalaallit Nunaatas.
Soai leaba earret eará ráhkkaneame Suialaa Arts Festivalii, mii lágiduvvo boahtte čavčča Nuukas.
Stork Høegh lea bajásšaddan Nuukas, ja bargá eanaš grafihkkalaš dáiddárin. Kjær lea ges Tromssas eret, ja son bargá eanaš illustrašuvnnaiguin.
Dáiddadállu galgá oassálastit dán festiválii, ja danne leat ge min ovddasteaddjit leamaš báikkis, ráhkkaneame ja pláneme golggotmánnui.
Govva: DD
