Aborigiinna dáiddár galledii Sámi
Bidjara, Ghungalu ja Garingbal-álbmogiid gullevaš dáiddár D Harding muitalii Dáiddadálus iežas duogáža, kultuvrra ja dáiddalaš bargguid birra guovvamánu 21. beaivvi.
Juoga mii Harding:a bargguin lea erenoamáš, lea ahte son dávjá atná luondduávdnasiid. Dasa lassin čilgii movt son sierra bossun-teknihkain hábme govaid ja dáidagiid.
Olles eahket šattai oalle čiekŋalis boddu, go dat govvidii movt eamiálbmotdáidda sáhttá bargat, ja movt dáiddárat ieža jurddašit. Doaluin lei maiddái gehččiin vejolašvuohta oassálastit ságastallamii, ja sis ledje sihke gažaldagat ja kommentárat.
Maŋŋel go D Harding lei muitalan iežas birra, de lei ges ságastallan. Das ledje fárus Harding, bákkkálaš dáiddár Máret Ánne Sara ja Dáiddadálu Wenche Marie Hætta. Govva: DD
Orui ahte gehččiin ja dáiddáris lei ollu man birra ságastalle bottus. Govva: DD
