Davvisámegiella

ART EVENING

Dáiddadállu 10 jagi Art Evening

Váimmolaš bures boahtin min eksklusiiva Dáiddaeahkedii gos ovdanbuktit min dáiddárguimmiid ođđa performance artwork, konsearta Lávriin, dáiddárságastallamiid ja guossohit njálgga borramuša ja juhkosa.

Bileahtat ja sajit leat ráddjejuvvon

Dáidagat leat fágarasttideaddji ja sisttisetdollet sihke teáhtera, dánsuma, musihka, govvadáidaga ja duoji. Dát mearkkaša ahte čájáhusáigodagas dáidagat vellestaga “eallájit” performánssain. Beassášfestivála áigge vuosehuvvo performánssa Dáiddadálu 10 jagi Dáiddaeahkedis ovttas musihkain, dáiddaságastallamiin, borramušain ja juhkosiin. Performánssaid visuálalaš dáidagat čájehuvvojit maiddái Dáiddadálu 10 jagi joavkočájáhusas guhkesbearjadaga 29.3.24 rájes.

Dáiddaeahkeda prográmma:

Performance Art: Suoidnekaboom
Máret Ánne Sara, Anja Saiva B. Bjørnstad, Anitta Katriina Suikkari, Li Taiga and Alexandra Wingate

Art performance Guoddi
Ann-Sofie Kallok, Anthoni Hætta, Ánna-Katri Helander, Sebastian Björkman

Konsearta Lávriin 

Dáiddaságastallamat Suoidnekaboom & Guoddi ovttas Rawdna Carita Eirain

Biebmu ja jugus lea oassin bileahtas

Oasit eahkedis leat olggobealde 

Haddi: 400 NOK bileahtas

ART EVENING

  • Loga eanet ovdanbuktimiid birra:
Guoddi foto Anne Katja Gaup

GUODDI
Ann-Sofie Kallok, Anthoni Hætta, Ánna-Katri Helander, Sebastian Björkman

Guoddi prošeakta ovddasta áidnalunddot dáiddalaš performánssa ja maiddái visuálalaš dáidagat mas dánsun ja musihkka leat hábmejuvvon avantgarde duoji ovdanbuktima vuođul. Dát oasit, mat leat čiekŋalit čadnon sámi duodjeárbevirrui, sirdásit nana geahččaladdi ovdanbuktinhámiid guvlui. "Guoddi", davvisámegiela sátni mii mearkkaša muhtin gii guoddá, šaddá dán oktavuođas metafora dánsejeddjiid rollii. Sii guddet rumašosiid mat leat symbolan rámisvuhtii ja nanusvuhtii, muhto maiddái noađi ja deattu mii sáhttá čuovvut eamiálbmotkultuvrra guoddima. Guoddi lea nappo guovddáš oassi dán performánssas, kultuvrralaš identitehta ja historjjá guoddi.

Hábmejeaddji ja duojár Ann-Sofie Kallok, dánsárat Ánna-Katri Helander ja Sebastian Björkman ja šuokŋadahkki Anthony Hætta kreatiivvalaš ovttasbarggu bokte iskojuvvo ođđa ja gelddolaš dáiddalaš eanadat, mas rumašosiid oasit eai dušše váikkut, muhto mearridit eará dáiddahámiid guvlui. Šuokŋadahkki ja dánsejeaddjit geavahit inspirašuvnna elemeanttaid albmoneamis, lihkadeamis ja temperamenttas.

Visuála dáidda: Ann-Sofie Kallok
Šuokŋadahkki: Anthoni Hætta
Dánsejeaddjit ja koreografiija: Ánna-Katri Helander og Sebastian Björkman
Kostyma: Ann-Sofie Kallok
Vuoidan ja vuovttat: Ina M. Tretnes
Jietna ja čuovga: Tuupa Records Oy

Giitosat gollečeahppái Angelina Clericii ja Linn Fahsing, Esben T. Andersen, Beaivváš Sámi Našunálateáhter, Davvi Division, Hilde Skancke Pedersen, Fredrik Prost, Juhls Silver Gallery,

Dorjon: Dáiddadállu, Dáiddafoanda, Kulturdirektoráhtta, Konstnärsnämnden ja Nordisk kulturkontakt.

Guoddi WIP februar 356387

SUOIDNEKABOOM
Máret Ánne Sara, Anja Saiva B. Bjørnstad, Anitta Katriina Suikkari, Li Taiga and Alexandra Wingate

«Suoidnekaboomas» deaivvadit bohccočoavjjit ja gámasuoinnit lávdedáidagiin ja ealli rupmašiiguin. Ráhkadus guorahallá fysalaš ávdnasiid, ávdnasiid iešvuođalaš vejolašvuođaid ektui ja kultuvrralaš geavaheami ja konteavstta ektui. Lea sihke čájálmas ja máŋggat visuálalaš dáidagat mat ellet ságastallama bokte ovttas lihkadeaddji gorudiiguin, lihkastagaiguin, ja seammás sáhttet čuožžut iehčanassii.

Maŋŋá bovdejumi ráhkadit ođđa dáiddadahkosiid Dáiddadálu 10 jagi ávvudeapmái, lea Máret Ánne Sara bovden lávdedáiddáriid Anitta Katriina Suikkari ja Anja Saiva Bongo Bjørnstad, Alexandra Wingate ja Li Taiga muitalit ja dulkot muhtun oasi dain fysalaš materiálain ja dáidagiin maiguin Sara lea bargan maŋemus jagiid, erenoamážit temáhtalaš oktavuođain "Pile o'Sápmi" ja dáiddadahkosa ráidduin Venezia Biennalenii 2022. "Suoidnekaboom" lea dáiddadagus mas ovttaskas dáiddalašvuohta ja iešguđet dáiddafágalaš suorggit, vásáhusat ja gelbbolašvuohta, deaivvadit friddjan. Joavku lea bargan lahkalaga badjel 2 jagi, sihke fysalaš bargobájiin ja ságastallamiin, ádden dihtii maid visuála dáidda ja ávdnasat mearkkašit lávdedáidaga ektui ja midjiide kollektiivvalaččat.

Visuála dáidda ja dáiddalaš jođiheaddji: Maret Anne Sara
Lihkadeaddji ávdnasat: Anja Saiva Bongo Bjørnstad, Anitta Katriina Suikkari, Li Taiga ja Alexandra Wingate
Lávddi alde: Anja Saiva Bongo Bjørnstad, Anitta Katriina Suikkari ja Li Taiga
Koreografiija: Alexandra Wingate
Assisteantta visuála dáidda: Li Taiga

Giitu Ánna-Katri Helander, Beaivváš Sámi Nationálateáhterii, ja Ole Tomas Nilut, Jan Cato Nilut ja Olav Johan Eira teknihkalaš veahki ovddas. Dáiddadállu, Dáiddafoanda, Kulturdirektoráhtta ja Davvi guovddáža lávdedáidda leat dorjon.

Kopi av Lávre 2foto HILDÁLÄNSMAN fri bruk

KONSEARTA LÁVRIIN

Lávre lea nuorra sámi artista ja musihkar Guovdageainnus eret. Su musihka lea vuođđuduvvon juoigamis, muhto seammas ohccaleame ođđamállet vugiid sámi musihkamáilmmis. Gitarain ja iešguđet effektagoansttain ráhkáduvvo govddodeaddji jietnagovva, ja guldaleaddji bovdejuvvo mátkái áššiid čađa mat dávjá leat čihkkojuvvon, sihke alddainis ja Sámi kultuvrras. Musihka lea gelddolaš seaguhus sihke luđiin, lávlagiin, gitarčuojaheapmi mii vuolgá gamus, ja teavsttat mat bohtet dološ luđiid rikkiis giellagovain.

Lávre fatna sjangeriid ja áigiid čađa, ja ovttasta árbevieru ođđaáiggiin su skearrus “Vuložat”. Dat lea čoakkáldas šuoŋain mas leat sihke árbevirolaš ja ođđaáigásaš luođit. Skearru lea vuolgán maŋggaid jagiid siskkaldas barggus ja ovddasta álggu guorahallama Lávre siskkildas mytologiijas ja Sámi álbmoga historjjalaš vuolggasajis.

Bileahtat ja sajit leat ráddjejuvvon.