Susanne Hætta
- 1975
- Dáiddár & girječálli
- Guovdageaidnu
Susanne Hætta (Mádenin-Sunná) lea bajásšaddan Álttás. Sus lea gullevašvuohta Siebii Guovdageidnui ja Ánddá sullui, muhto orru dál Čáhcesullos. Son bargá girječállin ja govvadáiddárin, nappo lea grafihkka ja govven su váldo dáiddasuorggit.
Oahpásmuva Susanne Hættain dán filmmaža bokte.
Sápmi samtid čájáhus Oslos 2020. Govvejeaddji: Lene Ødegård
Ruoktu. Govvejeaddji: Susanne Hætta
«Mun lean sámi dáiddár ja maid hábmen lea sámi dáidda. Mu beaivválašeallin lea geográfalaččat ja kultuvrralaččat guhkkin eret mu albma sámi ruovttubáikkis, juoga maid Ruoktu nammasaš ráidu gaskkusta.»
Susannes lea servvodatdiehtaga universitehtagráda ja šattai dáiddárin, govvejeaddjin ja girječállin easka rávisolmmožin, 2014. Son lea álo bargan govvemiin ja čállimiin, muhto vuolggasadji lea govven, mas eanaš lea bargan olggobeale diŋgojumiiguin. Diŋgojumiid lassin lea son bargan iežas govvenprošeavttaiguin, nugo «Blood Conversations» prošeavttain, mas son geavaha vara gaskaoapmin bohciidit ságastallama fuolkevuođas, šattolašvuođas, kultuvrras, identitehtas, seksualitehtas ja jáhkus. Prošeavttas lea okta dáidda ostojuvvon boahtte áiggi sámi dáiddamuseai ja nubbi dáidda fas Duohtavuođa- ja soabadankommišuvnnas Stuorradiggái
Girjeságastallan girjjiin Finnmark Nesten Norge. Govvejeaddji: Tor Ivan Boine
Máze artist group girjeovdanbuktin 2019. Govvejeaddji: Tor Ivan Boine
Susanne lea čállán ja doaimmahan gávcci girjji, ja dán gávcci girjjis máŋga girjji eará dáiddáriid birra. Son lea beroštuvvan suokkardit ruovttuguovllu ja ohcaleami, giellamassima ja oktonasvuođa mat čatnasit su sámi gullevašvuhtii. Dát áššit bohtet ovdan dáidagiin, nugo čáhppesvilges govvejuvvon govain, mat čájeha Sámi guovlluid, main váilot olbmot ja grafihkkaprošeavttas “Ruoktu”. 2016:s šattai Hætta oassin Dáiddadálus, ja dál lean oassin fierpmádagas gos dáidagat ráhkaduvvojit ja ožžot ruovttu
Barggadettiin. Govvejeaddji: Susanne Hætta
Susanne grafihkka deaddiluvvo su bassaladdanlanjas ja bálseduodji duddjojuvvo gievkkanbeavdeguoras, go sus ii leat albma ateliera. Dávjá leat vuovttat ja iežas gorutgolgosat oassin buktagiin.
«Árvvoštalan dávjá heaitit oalát dáidagiin, muhto juoga álohii vuodjela mu viidásit.»
Váldde oktavuođa Susanniin:
susannehetta@gmail.com
Tlf.: +47 99647147