Veneziabiennalá ja Árran 360° Venezias
- Project type Čájáhus
- Gos Venezia, Italy
Ovttasbargoguimmiid ja ruhtademiid dihte Sámedikkis, Romssa ja Finnmárkku fylkkadikkis, Ovddosis ja Norgga Kulturráđis lea Dáiddadálus vejolašvuohta ovdánahttit Sámi dáidaga ja láhčit min dáiddáriidda iešguđet vejolašvuođaid viidát internášunála dásis.
Ii goassege ovdal leat Sámi dáidda ja dáiddárat ožžon nu stuorra saji máilmmi stuorimus dáidda lávddis go dál. 2023 lea sihke Dáiddadállu ja Dáiddadálu dáiddárguoimmit ovddastuvvon Veneziabiennales. Dát dáhpáhus lea dehálaš báiki, gos beassá oktavuođaid čatnat ja čájehit bargguid njunuš kulturbargiide, priváhtta ruhtadeddjiide ja mearrideddjiide. Dás sáhttá leat stuorra mearkkašupmi Dáiddadállui boahtteáiggis.
Dáiddadálu vuođđodeaddji, Máret Ánne Sara, oassálastii ja čájehii dáidagiiddis Veneziabiennála Sámi Paviljoŋŋas. Dáiddadálu dáiddáris Elle Márjá Eiras fas lei vuosttaš čájáhus Eallu - Girdnu/Reindeer corral filmmas, mii lea ovttasbargu Internášunála Sámi Filbmainstituhta prošeavttain ÁRRAN 360°. Dáiddadállu lágidii dan oktavuođas rahpandoaluid dáiddalaš ovdanbuktimiiguin. Dáiddadálu hálddahus lea bargan beaktilit rahpandoaluid kurateremiin ja buvttademiin, man ulbmil lei boktit gehččiid jurdagiid, dovdduid ja Sámi dáidaga ávvudeami dan erenoamáš dáhpáhusas.
