Vuosttaš lávdin Ruoŧas čájeha Gonagaslaš Opera dán čavčča bihttá mii lea čállon ja ovdanbukto davvisámegilli. Eatnama váibmu lea ođđa bihttá maid librettista Rawdna Carita Eira ja šuokŋadahkki Britta Nyström leaba čállán. Elle Márjá Eira lea bihttá bagadalli, ja son lea ovdal bagadallan filmma Suoládeapmi. Muitalus lea ráhkaduvvon sámi sivdnidanmuitalusa vuođul áigeguovdilis fáttáin bahá ja buori birra, ja movt eatnamiin gulahallá. Vuosttaščájálmas lea Gonagaslaš Opera stuorra lávddis skábmamánu 15 beaivvi.