Dáiddadállu Nasjonalmusea girjebeaivedoaluin!
- Lágideapmi Ságastallan
- Location Nasjonalmuseet, <span class='block'>Oslo, Norway</span>
-
When
Lágideapmi lea loahpahuvvon
Dáiddadállu searvá panelaságastallamii «Mii lea publikašuvdna?» go Nasjonalmusea lágida Kunstbokdagen cuoŋománu 24. beaivvi.
Dáiddadálu barggus lea publikašuvdna eanet go dušše duođaštus, muhto baicca vuohki movt čatná oktii dáiddáriid, báikkiid ja almmolašvuođa. Ságastallan váldá ovdan mo publikašuvnnat sáhttet doaibmat dáiddalaš ja sosiála infrastruktuvran, erenoamážit sámi ja davvi konteavsttas. Seamma beaivvi searvá maiddái min dáiddárguoibmi Máret Ánne Sara oasis Pile o'Sápmi Supreme, mii lea su 2017-barggu vuođul - dat vuosttaš dáidda man álbmot oidnet Našunalmuseas. Ságastallamis šaddá sáhka dáidaga, geavada ja daid stuorát oktavuođaid masa dat gullá.
