Siri Broch Johansen bargá čállin. Sus lea MA teáhteris, mas lea čiekŋudan lávdetekstii Dáiddaallaskuvlla bokte Oslos 2017. Sus lea guokte jagi lávlunoahppu Complete Vocal instituhtas Københábmanis ja lea maid skuvlejuvvon oahpaheaddji, man olis lea čiekŋudeapmi pedagogihkas, jođiheamis ja sámegielas.

Siri lea eallán čállin ja ovdánbuktán teavsttaid 2010 rájes. Son bargá girjeteavsttaiguin (áššeprosa ja čáppagirjjálašvuohta), iešguđet lávdeteavsttaiguin, lávlagiiguin ja slampoesiijain.