Ken Are Bongo
- 1983
- Kinematográfa
- Guovdageaidnu
Ken Are Bongo lea filbmabagadalli, kinematográfa ja filbmačuohppi. Son lea Guovdageainnus eret ja lea oahpu gazzan Nordlándda dáidda ja filbma skuvllas Kabelvågas. Son lea filmmain ja TVain bargan 2006 rájes, ja sus lea hohppos jahki leamaš 2023. Ken Are lea earret eará bargan Netflix guhkesfilmmas Stolen fárrolaga bagadalliin Elle Márjá Eirain.
Catch and release (2021)
Ealát dokumentáras. Govven: Ken Are Bongo. Filbmadahkki: Elle Márjá Eira
Ealát dokumentáras. Govven: Ken Are Bongo. Filbmadahkki: Elle Márjá Eira
«Guovtte háve 1993:s njáhken Guovdageainnu báikkálaš kinoi geahččat “Jurassic Park”. Dát šattai dat mii vuolggahii mu beroštumi muitalit muitalusaid stuora šearpmain.»
Ken Are ovttasbarggai Elle Sofe Sarain dánsunfilmmas The wind whispers there is someone behind the tundra 2006:s, mii maiddái lei su vuosttaš deaivvadeapmi dánsumiin filmmas. Dan rájes lea son ollesáiggis bargan filmmaiguin, dokumentáraiguin, musihkkavideoiguin, visuálalaš dáidagiiguin konsearttaide ja installašuvnnaide. Su erenoamáš máhttu eamiálbmot muitaleamis ja su čiekŋalis oktavuohta árktalaš birrasiinnis lea riggudahttán su kreatiivvalaš mátki.
Gieskat lea Ken Are bargan filbmagovvejeaddjin Ealát-dokumentáras, osiin Cannes bálkkašumi vuoiti TV-ráiddus Power Play NRK ovddas, Suoláduvvon filmmain maid Netflix buvttada, ja buot golbmasis lea Elle Márjá Eira leamašan bagadallin. Ken Are lea maiddái leamaš veahkkebagadallin ja filbmagovvejeaddjin golmma Outliner oasis mat leat oaidnimis HBO:s.
Ovttas Joar Nangoin lea ráhkadan TV-ráiddu Post-Capitalist architecture TV mas leat oppalohkkái 6 oasi, mat leat čájehuvvon moanat dáiddačájáhusas nugo Bergen International Festivalas 2020:s, Toronto Biennale of Arts 2022:s, ja The Biennale Architettura 2023 Venezias.