Birgejupmi Through Art & Duodji - A summary

Gos Guovdageaidnu

Dáiddadállu lea oassálastán stuora EU ruhtadan prošektii Birgejupmi. Min oassálastin bargopáhkas 9 lea dál gárvvis, ja dan oktavuođas mii láhčit raportta oaidninláhkai min neahttasiiddus. Raporta ovdanbuktá dan barggu mii lea čađahuvvon ja makkár bohtosiid mii leat olahan.

Birgejupmi, sátni mii čilge ahte olbmos lea máhttu ja čanastupmi lundui, čáziide ja servodahkii, dat lea leamaš vuođđun dán bargui. Birgejupmi Dáidaga & Duoji Bokte doppe mii guorahallat mo dáidda ja duodji doaibmá ii dušše ovdanbuktinvuohkin, muhto vuohkin mo ealáskahttit máhtu ja nannet álgoálbmotperspektiivvaid.

Birgejupmi lea oassin Dáiddadálu árgabeaivvis. Dáiddalaš barggu, ovttasbarggu ja máhttojuohkima bokte mii navigeret árbevieru ja dálááiggi gaskkas.

Min bargu lea vuođđuduvvon álgoálbmotárvvuide nugo gudnejahttimii, relašuvdnii ja ceavzilvuhtii.

«Dáidda ipmirduvvo metodan, mii rahpá ođđa vugiid vásihit, juogadit ja buvttadit máhtu.»

Ovttasbargguid bokte miehtá Sámi, Kalaallit Nunaat, ja Kanada, ja čájáhusaid, semináraid ja residenssaid bokte, lea dát bargu ovdánan gulahallamis gaskal servodagaid, geavadagaid ja máhttovuogádagaid.