Dáiddadállu ohcá ođđa mielbargi geas lea miella bargat gelddolaš media- ja gulahallan arenaid sisdoallobuvttadeaddjin 60 % virggis Dáiddadálus.

Geat mii leat:

Dáiddadállu lea surggiidrasttideaddji dáiddafierpmádat, maid sámi dáiddárat leat ásahan sámi dáiddáriidda 2014. Dáiddadálus lea hálddashus ja 21 dáiddárguoimmi geat barget iešguđet surggiin, nugo juoigamiin, musihkain, filmmain, girjjálašvuođain, visuála dáidagiin, dánsemiin, teahteriin, govvemiin ja designain.

Dáiddadálu ulbmil lea nannet dáiddarguimmiid fágalaččat, sosiálalaččat ja fitnodatovdánemiin. Dáiddadállu maid galgá veahkehit gelbbolašvuođaloktemiin, profileremiin, fierpmádathuksemiin ja internášunála beaggimiin. Dáiddadállu lea innovašuvnnalaš ovdánahttináigodagas daiddámáilmmis ja profilerejit ge dáiddáriid nášunála ja internášunála dásis.

“Mis lea kántuvra Guovdageainnus Sámis, muhto bargat miehtá máilmmi”

Mii ohcat:

60% sisdoallobuvttadeaddji gulahallamis

Virgeáigodat: 1 jagi, vejolaš guhkideapmi

Ovddasvástádusguovlu:

• Fierpmádaga márkanfievrrideapmi: Buvttadit teavsttaid ja muhtin muddui govaid/filmmaid iešguđet kánalaide
• Jorgalit teavsttaid dárogielas/eŋgelasgielas sámegillii
• Juohkit dieđuid Dáiddadálu dáiddárguimmiid dáhpáhusain ja doaimmain
• Čalmmustahttit ja máidnut Dáiddadálu doaimmaid ja dáhpáhusaid
• Ráhkadit preassadieđáhusaid ja eará preassaalmmuhusaid Dáiddadálu dáhpáhusaid ja doaimmaid várás

Sávahahtti gelbbolašvuohta:

• Mii sávvat bargi geas lea relevánta oahppu/hárjáneapmi, gii sáhttá váikkuhit fierpmádaga gelbbolašvuođain ja áŋgirvuođain oktasaš bargguid oktavuođas.
• Dárbbašlaš:
• Relevánta oahppu dahje bargohárjáneapmi relevánta suorggis
• Buorre njálmmálaš ja čálálaš sámegielat ja skandinávalaš máhttu
• Máhttu sámi kultuvrras
• Buorre oppalaš gelbbolašvuohta digitálareaidduid geavaheamis


Sávahahtti:

• Bargohárjáneapmi dáiddasuorggis
• Internášunála bargohárjáneapmi
• Hárjáneapmi bargat neahttasiidduiguin ja sosiála mediain

• Persuvnnalaš iešvuođat:
• Alla bargokapasitehta ja doaimmahan návccat
• Buorre ovttasbargo- ja gulahallandáidu
• Hálddaša ovddasvástádusa ja iešheanalaš barggu
• Duostil ja árvvas


Mii fállat:

• Gelddolaš fágarasttideaddji eamiálbmot bargokollegia
• Kreattiivvalaš ovttasbargama kollegaiguin ja dáiddáriiguin
• Bargosisdoalu mas lea variašuvdna
• Áigodagaid mielde geabbilis bargoáiggi
• Bálká šiehtadeami vuođul

Mii vuoruhit virgádit ohcciid geat máhttet davvisámegiela. Virggis šaddá jođašit muhtin vearddi, ja muhtomin šaddá orrut Guovdageainnus. Vurdojuvvo maid ahte bargi sáhttá intensiivvalaččat bargat dihto áiggiid ja heivehit bargoáiggi erenoamáš dáhpáhusaid olis.

Ohcanáiggemearri: Čakčamánu 15. beaivvi 2024

Sádde CV ja ohcamuša Dáiddadállui: info@daiddadallu.com

Mii váldit oktavuođa áigeguovdilis kándidáhtaiguin dađistaga.

Bálká šihttojuvvo beaivválaš jođiheddjiin.

Lea sávahahtti ahte bargi sáhttá álgit nu jođánit go vejolaš.

Virgi bistá jagi, muhto lea vejolaš oažžut guhkideami.

Eambo dieđut Dáiddadálu birra: 
daiddadallu.com 
https://www.facebook.com/daidd...;

https://www.instagram.com/daid...